73 पटक पढिएको
गोबिन्द्र राज तिमिल्सेना,बाजुराः चर्चित मोडल तथा गायक दुर्गेश थापाले “बहसमा बार्जु,बाजुरा महोत्सव”मा शुक्रबार आफ्नो प्रस्तुती मार्फत महोत्सवको माहोल तताएका छन् । गायक थापाले आफ्ना आवाजमा सजिएका चर्चित गितहरु गाएर महोत्सवको माहोलमा रौनकता थपिदिएका हुन्।
थापाले आफ्ना चर्चित गितहरु बिच्च बिच्चमा,कि दुर्गेस रेलमा कि दुर्गेश जेलमा ,बम बम भोले,माछो माछो भ्यागुत्तो,राष्ट्रवादी गीत उठ उठ वीर गोर्खाली,लगायतका दर्ननौ महोत्सवको माहोल तताएका हुन् । प्रस्तुती दिनको लागी स्टेज उक्लेका थापाले बाजुराको साँझपखको चिसो मौषमलाई न्यानो पार्दे आम दर्शक हरुलाई नचाएर माहोल तताएका हुन् । उनले चर्चित गीत बिच्चबिचमा,कि दुर्गेश रेलमा गित गाउँदा त महोत्सवको पुरै माहोलमा रौनकता थपिएको थियो । त्यस्तै गायक थापाले प्रस्तुती दिदै गर्दा ससाना बालबालीका देखि युवाहरु हुदै बुढापाखाहरु पनि स्वर स्वर मिलाउँदै गाउँदै नाचेका थिए।
गायक थापाको प्रस्तुती हेर्नको लागी दर्शकहरुको घुँइचो लागेको थियो । युवा पुस्तामा सर्वाधिक रुचाईएका गायक थापाले बाजुरा महोत्सवमा दर्जनौ गितहरु सुनाएर आम दर्शकहरुलाई भरपुर मनोरञ्जन गराएका थिए । गायक थापाले प्रस्तुती दिर्दै गर्दा स्टेशजमै गएर नाच्ने ससाना बालबालीको भिड लागेको थियो । शुक्रबारको दिन पनि भएका कारण बिद्यालय र कार्यालयहरुको चाँडो बिदा भएकाले गायक थापाको प्रस्तुती हेर्नको लागी दर्शकहरुको बाक्लो उपस्थित रहेको थियो । देश मात्रै नभई अन्तराष्ट्रिय स्तरसम्म आफ्नो नाम कमाउँन सफल गायक तथा मोडेल थापाले आज बाजुरा महोत्सवमा आफ्नो प्रस्तुती मार्फत महोत्सवमा रौनकता थप्नुभएको हो ।
बढीजसो विवादको भुमरीमा परिरहने गायक भनेर चिनिने थापाले हरेक मेला महोत्सवमा आफ्नो दमदार प्रस्तुती दिएर दर्शकहरुको मन जित्न सफल भएको गायक रुपमा पनि चिन्न सकिन्छ । गायक थापा जब प्रस्तुती दिन कुनै पनि मेला महोत्सवमा स्टेज चढ्छन तब महोत्सवको माहोलमा रौनकता पनि अर्के थपिने गरीन्छ । गायक थापा स्टेज चढ्ने बितिक्कै दर्शकहरुबाटै वाह संगै ताली र हुटिगं आउन गर्छ । आज बाजुरा पुगेर महोत्सवमा आफ्नो दमदार प्रस्तुती दिएर उनले दर्शकहरुको मन जित्न सफल भएका छन् ।
सुदूर साहित्य प्रतिष्ठान बाजुराको आयोजनामा जिल्ला सरमुकाम मार्तडीमा गत बैशाख २८ गतेबाट संचालनमा रहको “बहसमा बार्जु,बाजुरा महोत्सव”२०८१ मा आज गायक थापा संगै गायक राजेन्द्र बाजुरेली,लक्ष्मी नेपाली,जनवादी गायक हिमशिखर सि. लागयत अन्य स्थानिय कलाकारहरुले आफ्ना प्रस्तुती दिएका थिए । महोत्सवको अन्तिम दिन भोली चर्चित गायक चक्र बम (हास्यकलाकार) किरण थापा,(डान्सर)झरना,शोनु र समिक्षा लगायत अन्य कलाकारहरुका बेजोड प्रस्तुती रहने आयोजक सुदूर साहित्य प्रतिष्ठान बाजुराले जनाएको छ ।
प्रतिक्रिया
सम्बन्धित खवर
